NSUI तर्फे कर्तृत्ववान शिक्षकांचा सन्मान.

आदर्श शिक्षक पुरस्कार वितरण सोहळा उत्साहात संपन्न.

​समाजाच्या जडणघडणीत शिक्षकांची भूमिका अत्यंत महत्त्वाची असून, ज्ञानासोबतच विद्यार्थ्यांमध्ये योग्य संस्कार, मूल्ये आणि आत्मविश्वास निर्माण करणाऱ्या गुरूंचा सन्मान करणे ही अभिमानाची बाब आहे. याच उदात्त हेतूने अखिल भारतीय विद्यार्थी काँग्रेस (NSUI), जळगाव जिल्ह्याच्या वतीने अमळनेर येथे ‘आदर्श शिक्षक पुरस्कार वितरण व स्वागत समारंभ’ अत्यंत उत्साहात पार पडला.

​मान्यवरांची प्रमुख उपस्थिती

​या दिमाखदार सोहळ्यास जिल्हा काँग्रेस कमिटीचे माजी अध्यक्ष धनंजय शिरीष चौधरी प्रमुख पाहुणे म्हणून लाभले होते. NSUI जळगाव जिल्हाध्यक्ष ॲड. कौस्तुभ पाटील यांच्या विशेष पुढाकाराने व कुशल नियोजनाखाली या कार्यक्रमाचे यशस्वी आयोजन करण्यात आले.

​शैक्षणिक क्षेत्रात उत्कृष्ट व निष्ठावान कार्य करणाऱ्या ​डी. ए. धनगर, ​भैय्यासाहेब मगर, पुष्पा भोजू पाटील, ​अनिता सौंदाणे, ​समाधान देविदास निकम, ​जावेद अख्तर शेख हबीब या शिक्षकांनं धनंजय शिरीष चौधरी यांच्या हस्ते  सन्मानचिन्ह व पत्रक देऊनi  सन्मानित करण्यात आले.

​ रज्जाक शेख आणि काँग्रेस नेते संदीप घोरपडे यांनी शिक्षकांच्या अतुलनीय योगदानाचे महत्त्व प्रभावीपणे अधोरेखित केले. "शिक्षक हे केवळ पुस्तकी ज्ञान देणारे नसून, भावी पिढी घडविणारे आणि राष्ट्रनिर्माणाचे कार्य करणारे समाजाचे खरे शिल्पकार आहेत," असा सूर यावेळी उमटला.

​यावेळी NSUI जिल्हाध्यक्ष ॲड. कौस्तुभ पाटील यांनी आपल्या प्रास्ताविकात पुरस्कारार्थी शिक्षकांच्या प्रेरणादायी कार्याचा आढावा घेतला. तसेच NSUIच्या माध्यमातून विद्यार्थ्यांच्या हितासाठी राबविण्यात आलेल्या विविध उपक्रम आणि संघटनात्मक कार्याचा सविस्तर अहवाल उपस्थितांसमोर मांडला.

​मान्यवरांची व नागरिकांची लक्षणीय उपस्थिती

​हा सोहळा यशस्वी करण्यासाठी धनगर दला पाटील, गोकुळ बोरसे, पी. एस. बागुल, सत्तार तेली, प्रताप पाटील, गजेंद्र साळुंखे, एस. डी. देशमुख, उमेश संदानशिव, रोहिदास कपडे, रोहिदास दाजी, ताराचंद सूर्यवंशी, नरेश चव्हाण, भगवान संदानशिव आणि अजय भिल यांच्यासह विविध क्षेत्रातील मान्यवर, शिक्षक वर्ग, विद्यार्थी व नागरिक मोठ्या संख्येने उपस्थित होते.

​"शिक्षकांचा सन्मान म्हणजे केवळ एका व्यक्तीचा सन्मान नसून, तो ज्ञान, संस्कार, शिक्षण आणि सुदृढ समाजनिर्मितीच्या महान कार्याचा सन्मान आहे," असा प्रेरणादायी संदेश या कार्यक्रमातून देण्यात आला. शेवटी, कार्यक्रम यशस्वी करण्यासाठी सहकार्य करणाऱ्या सर्व मान्यवर, शिक्षक आणि उपस्थितांचे NSUIच्या वतीने मनःपूर्वक आभार मानण्यात आले.

-धनंजयबापू सोनार 

लोकहितवादी पत्रकार 

7972881440