अमळनेर - राज्याचे उपमुख्यमंत्री आणि खंबीर नेतृत्व अजितदादा पवार यांच्या अकाली निधनामुळे निर्माण झालेली पोकळी भरून न निघणारी आहे. त्यांच्या स्मृतींना सामूहिक अभिवादन करण्यासाठी अमळनेर शहरातील छत्रपती शिवाजी महाराज नाट्यगृहात रविवार, १ फेब्रुवारी रोजी सकाळी ९ वाजता सर्वपक्षीय शोकसभेचे आयोजन करण्यात आले आहे.
अमळनेरच्या विकासात अजितदादांचे मोलाचे योगदान राहिले आहे. तालुक्यातील विविध विकासकामांच्या माध्यमातून त्यांनी २५ वर्षांपासून येथील जनतेशी जिव्हाळ्याचे नाते जपले होते. या शोकसभेला तालुक्यातील सर्व राजकीय पक्ष, सामाजिक व शैक्षणिक संस्था, व्यापारी संघटना, विविध कर्मचारी संघटना, महिला मंडळे, वकील संघ, डॉक्टर असोसिएशन आणि विविध क्षेत्रांतील मान्यवरांनी उपस्थित राहण्याचे आवाहन करण्यात आले आहे.
कार्यक्रमाचा तपशील: दिनांक: रविवार, १ फेब्रुवारी २०२६ वेळ: सकाळी ठीक ९ वाजता स्थळ: छत्रपती शिवाजी महाराज नाट्यगृह, अमळनेर.
-लोकहितवादी पत्रकार
धनंजयबापू सोनार
79728 81440
0 Comments